നിങ്ങളുടെ സംസാരം

പ്രിയകൂട്ടുകാരെ,

വ്യക്തിത്വത്തിന്റെ സൂക്ഷ്മമായ അളവുകോലുകളിലൊന്നാണ് സംസാരം. സംസാരം എന്നത് ബന്ധങ്ങളുടെ ഹൃദയസ്പന്ദനമാണ്.നല്ല വാക്കുകൾ  കൊണ്ട് മനോഹരമായ ജീവിതം പടുത്തുയർത്താം. കുഞ്ഞു പ്രായത്തിലെ മറ്റുള്ളവരോട് എങ്ങനെ സംസാരിക്കണം എന്നതിന്റെ ബാല പാഠങ്ങൾ പഠിച്ചെടുക്കണം.എവിടെ ആണെങ്കിലും നിവർന്നു നിന്നു സംസാരിക്കാൻ പരിശീലിക്കണം .പെട്ടെന്ന് പ്രതികരിക്കുന്നവരാണെങ്കിൽ ആ ശീലം മാറ്റിയെടുക്കണം. എന്ത് പറഞ്ഞാലും ആലോചിച്ചു മാത്രം പറയാൻ ശ്രമിക്കണം.നല്ലൊരു കേൾവിക്കാരനായി മാറണം. സാഹചര്യവും, സമയവും, ആളും,  തരവും നോക്കി സംസാരിക്കാൻ ശീലിക്കണം. ഞാൻ എന്ന ഭാവം മാറ്റണം.ജീവിതം ഒരു തുറന്ന പുസ്തകമാക്കണം . സ്നേഹത്തോടെയാണെങ്കിൽ, വിമർശനങ്ങൾ പോലും സന്തോഷത്തോടെ കേട്ടിരിക്കാൻ കഴിയുന്ന മാനസികാവസ്ഥ വളർത്തിയെടുക്കണം . ഏതു കാര്യത്തിനും ഉറച്ച തീരുമാനം എടുക്കാനുള്ള കഴിവ് നേടിയെടുക്കണം. സംസാരിക്കേണ്ട സാഹചര്യങ്ങളിൽ ധൈര്യമായി സംസാരിക്കുകയും, മൗനം പാലിക്കേണ്ടിടത്തു മൗനം പാലിക്കുകയും ചെയ്യണം . അവിടെയാണ് പല വിജയങ്ങൾക്കും വഴി തെളിയുന്നത്."അർത്ഥശൂന്യമായ ആയിരം വാക്കുകളേക്കാൾ മികച്ചതാണ് ആശ്വാസം നൽകുന്ന ഒരു വാക്ക്".. എന്ന ബുദ്ധന്റെ ഈ  വചനം എപ്പോഴും മനസ്സിൽ സൂക്ഷിക്കണേ...

എല്ലാകൂട്ടുകാർക്കും നന്മ നിറഞ്ഞ ദിനം ആശംസിക്കുന്നു.