ശതാബ്ദിയാഘോഷം സ്വാഗത സംഘം രൂപീകരണ യോഗം

ഇളങ്ങുളം ശ്രീധർമ്മശാസ്താ ദേവസ്വം, കെ വി എൽ പി ജി   സ്കൂൾ ശതാബ്ദിയാഘോഷം

മാന്യരേ,

ദേശ വിദേശങ്ങളിലുള്ള അസംഖ്യം പ്രതിഭകളെ വാർത്തെടുക്കുന്നതിനുള്ള പ്രാരംഭം കുറിച്ചതും ദേവസ്വത്തിന്റെ പൊതുജന ക്ഷേമപ്രവർത്തനങ്ങളിൽ ഒരു പൊൻ തൂവലായും നിലകൊള്ളുന്ന നമ്മുടെ സ്കൂൾ ഈ വർഷം ശതാബ്ദിയാഘോഷത്തിന്റെ നിറവിലാണ്. 

ഇളങ്ങുളം ദേവസ്വം സ്കൂളിന്റെ മാനേജ്മെന്റ് ഏറ്റെടുത്ത ശേഷം നടത്തിയ അടിസ്ഥാനസൗകര്യമൊരുക്കിയതടക്കമുള്ള പ്രവർത്തനങ്ങളാലും, ഉൽപതിഷ്ണുക്കളായ അദ്ധ്യാപകരുടെയും , നാട്ടുകാരുടെ സഹകരണത്താലും, ഇന്ന് പാഠ്യവിഷയങ്ങളിലും, കലാ കായിക രംഗത്തും,ഈ മേഖലയിലെ തന്നെ ഏറ്റവും മികച്ച  മാതൃകാസ്ഥാപനമായി നമ്മുടെ സ്കൂൾ മാറിയിരിക്കുകയാണ്. ശതാബ്ദി വർഷം സമുചിതമായി ആഘോഷിക്കുന്നതിനായി പൂർവ്വ വിദ്യാർത്ഥികൾ, രക്ഷകർത്താക്കളുടെ കൂട്ടായ്മ , അദ്ധ്യാപകർ ,ദേവസ്വം പ്രവർത്തകർ, സർവ്വോപരി നാട്ടുകാർ, അഭ്യുദയകാംക്ഷികൾ എന്നിവരെയെല്ലാം ഉൾക്കൊള്ളിച്ചു കൊണ്ട് വിപുലമായ സ്വാഗത സംഘം രൂപീകരണ യോഗം 22-7-2023 ശനിയാഴ്ച ഉച്ചക്കുശേഷം 3 മണിക്ക് ദേവസ്വം ഓഡിറ്റോറിയത്തിൽ വെച്ച് ചേരുന്നതാണ്. തദവസരത്തിലും മുന്നോട്ടുള്ള പ്രവർത്തനകൾക്കും ഏവരുടെയും സാന്നിധ്യ സഹകരണങ്ങൾ അഭ്യർത്ഥിച്ചു കൊള്ളുന്നു ,

മാനേജ്മെന്റ് കമ്മിറ്റിക്കുവേണ്ടി ,

                മാനേജർ

അഡ്വ: കെ വിനോദ്