- ലോകത്ത് ആദ്യമായാണ് ഒരു ബഹിരാകാശ ഏജൻസി നൂറിലധികം ഉപഗ്രഹങ്ങൾ ഒന്നിച്ച് വിക്ഷേപിക്കുന്നത്. 2014-ൽ 37 ഉപഗ്രഹങ്ങൾ ഒന്നിച്ച് വിക്ഷേപിച്ച റഷ്യയുടെ DNEPR റോക്കറ്റിന്റെ റെക്കോർഡ് മറികടന്നാണ് PSLV-C37 ശ്രീഹരിക്കോട്ടയിലെ സതീഷ് ധവാൻ സ്‌പേസ് സെന്ററിൽ നിന്ന് കുതിച്ചുയർന്നത്.
- PSLV യുടെ 39 ാമത്തെ ദൗത്യമാണിത്.
- ഇന്ത്യയുടെ തദ്ദേശീയ നിർമിത Cartosat-2D, INS-1A, INS-1B ഉപഗ്രഹങ്ങളും 101 വിദേശ ഉപഗ്രഹങ്ങളുമാണ് PSLV-C37 ഭ്രമണപഥത്തിലെത്തിച്ചത്.1378 കിലോഗ്രാമാണ് ഉപഗ്രഹങ്ങളുടെ ആകെ ഭാരം.
- Cartosat -2 റിമോട്ട് സെൻസിങ് ഉപഗ്രഹശ്രേണിയിലെ അഞ്ചാമത്തെ ഉപഗ്രഹമാണ് Cartosat-2D. 714 കിലോഗ്രാമാണ് ഇതിന്റെ ഭാരം. Cartosat-2, 2A, 2B, 2C എന്നിവയാണ് ഈ ശ്രേണിയിൽ നേരത്തെ വിക്ഷേപിച്ച ഉപഗ്രഹങ്ങൾ.
- INS-1A, INS-1B എന്നീ ചെറു ഉപഗ്രഹങ്ങൾ നാവിഗേഷൻ ആവശ്യങ്ങൾക്കായാണ് ഉപയോഗിക്കുന്നത്. 10 കിലോഗ്രാമിൽ താഴെയാണ് ഇവയുടെ ഭാരം.
- അമേരിക്കയിൽ നിന്നുള്ള 96 ക്യൂബ്സാറ്റുകൾ (പ്ലാനറ്റ് ലാബ്‌സിന്റെ 88 Dove (Flock-3p) എർത്ത് ഇമേജിങ് ഉപഗ്രഹങ്ങൾ, സ്പൈർ ഗ്ലോബലിന്റെ കപ്പൽ നിരീക്ഷണത്തിനുള്ള 8 Lemur-2 നാനോ ഉപഗ്രഹങ്ങൾ)
- സ്വിറ്റ്സർലൻഡിലെ സ്‌പേസ് ഫാർമയുടെ മൈക്രോഗ്രാവിറ്റി പഠനം ലക്ഷ്യമാക്കിയുള്ള DIDO-2
- ബെൻ ഗുരിയോൺ സർവകലാശാലയിലെ വിദ്യാർത്ഥികളുടെ സഹകരണത്തോടെ ഇസ്രയേൽ എയറോസ്‌പേസ് ഇൻഡസ്ട്രീസ് നിർമിച്ച BGUSat
- കസഖ്സ്ഥാനിലെ അൽഫറാബി കസഖ് നാഷണൽ യൂണിവേഴ്‌സിറ്റിയുടെ ടെക്‌നോളജി ഡെമോൺസ്‌ട്രേഷനായുള്ള Al-Farabi-1
- നെതർലൻഡിലെ ഇന്നൊവേറ്റീവ് സൊല്യൂഷൻസ് ഇൻ സ്‌പേസിന്റെ PEASSS (The PiezoElectric Assisted Smart Satellite Structure)
- യു.എ.ഇയിലെ മുഹമ്മദ് ബിൻ റാഷിദ് സ്‌പേസ് സെന്ററും അമേരിക്കൻ യൂണിവേഴ്‌സിറ്റി ഓഫ് ഷാർജയും ചേർന്ന് വികസിപ്പിച്ച Nayif-1 എന്നിവയാണ് ദൗത്യത്തിന്റെ ഭാഗമായി
2016 ജൂൺ 22 ന് PSLV C-34 റോക്കറ്റിൽ 20 ഉപഗ്രഹങ്ങൾ ഒന്നിച്ച് ഭ്രമണപഥത്തിലെത്തിച്ചതാണ് ഐ.എസ്.ആർ.ഒ യുടെ ഇതിനുമുമ്പത്തെ ഏറ്റവും വലിയ വിക്ഷേപണ ദൗത്യം.
2013-ൽ നാസ ഒറ്റ ദൗത്യത്തിൽ (ORS-3) 29 ഉപഗ്രഹങ്ങളെ ഭ്രമണപഥത്തിലെത്തിച്ചിരുന്നു.
){kind=link}
Post A Comment:
0 comments: